Häppie Börsday, liewe Antalia :-)

[Webmaster]

35 Johr mit Schuh unn Schlappe, duscht jetzt uff de Welt rumdabbe.
En gude Johrgang, gsund, fleißich un witzisch, war de Johrgang neunzehhunnertsiebzisch!

Heit schtehscht do als Jubilar vor eener große Gästeschar.
Du bischt heit die Hauptperson, fascht schunn wie ä Attraktion.
Ich hab mer lang de Kopp zerbroche, was schenk ich bloß dem alde Knoche?

Se dud net drinke un ach net rauche -
was kann der Gruftie sunscht gebrauche?
Ich mach mers jetzt äfach un schreib ä paar Worte.
(Ich schreib die Gedichte, Silvia backt Torte)

Doch misst ich jetzt alles iwwer dich schreiwe,
do det kä Aag mer drugge bleiwe.
Drum mach ichs korz un bleib bescheide,
ich wills jo nät glei iwwertreiwe.

Du bischt än Brummbär, awwer än liewe -
dich konn so schnell kä Wässerel triewe!

Alles alles Liebe! :-)
Jürgen