von deggendorferin » Montag 9. April 2012, 20:47
sorry werden wohl net olle lesn kina, eben bayrisch evtl für "Anfänger" und die die es werden wollen
Männer
ja de mana
ja mei de mana hams guad
wei eana frau e ois duad
kemmans von da orbat hoam
da is de stum sche woam
de kinans se gfrei
weis wissnd s essn werd kocht sei
de wohnung is putzt und afgramd
oba d frau hod e nix vasamt
wos dazn sunst anganzn dog
wenns dahoam koa orbat hod
den ganzn dog hods zeit
es hiaft net, wenns es an net gfreit
ja de mana frongand net
obs alloi ois schafft
de hod fei gnua kraft
bis jatz hod ses oiwei na da
es hängand hoid in da hausorbat vei stundn dra
findn mana ebbs net glei
bei da frau is suacha schnei vobei
de muas jetz trum im haus wissn
de find ois vom seckl bis zum kissn
ja de mana hams guad
weil de frau e ois duad
URLAUB
Lang woatma scha
hama so vei da
zeit wiads jatz e
an urlaub zum geh
mei de schene zeit
i dua wos me gfreit
so jatz moches ma sche
i los de orbat einfach steh
amoi gehe zum bon
oda i kannt mitn Auto fuatfon
wia was mit an tanzlokal
vei gibts zur Wahl
ja voagnumma hobe ma ollahand
mei ob mir de zeit glangt
nemands kanne frong
i kanns o seiba neut song
i hoff hoid das ma de zeit glangt
bis d orbat wieda afangt
es wa fast gscheida
i gang in de orbat weida
do hane mehr rua
i hob vom urlaub scha gnua
Freizeit einer Hausfrau
in woid mechte geh
ja des wa recht sche
oba mit da zeit
wei ma de feid
so vei han i voa
wann soi es doa
Freizeit brauchade an haufa
so kannte ma Fias zualaufa
an doana mechte gern
und radio hern
fuad fon midn radl
dann jammern zwecks de wadl
miad bini so oft
am kanapee eischlof
so letschad ab und zua
dase go nix dua
nix is ma recht
i woas o net was i mecht
wann soi e des ois mocha
zwischn obsein und kocha
Schichtarbeit
jessasna- monag geht friaschicht a
do woase dase wieda net schlofa ka
ganz afgred bin e jetz moi
do spegaliere, dasse me net vaschlofa soi
liaba dade me im bett umdra
so fria musse do afsteh
do waas im bett erst sche
do duat ma ois na weh
do koe no net amoi gscheid geh
frou bine
wene am mittag hoamkim
und am nemadog dahoam bin
dann bine a wida frou dase friaschicht han
weile dann am namedog voi ausrichtn kann
ARBEIT
heid is mittwoch
Gott sei dank
weil de woch is eh oiwei so lang
iats na donnastod und freida
dann endle is wochenend do
da samstog und da sunda do hobe so fei zum untanemma
do wiad da schlof eiwei wenga
ja wer denkt denn scha dra, ins bett zum geh
wenns grod so luste is und grod so sche
ja bine am montog na net so schnei
dann wa mas wochenend zfei
Gewichtsprobleme
jatz muse fostn
so vei gwanda hängand im kostn
es wiad zeit
weis scha zweit feid
ois is zeng
es hiaft net- dasa me eine zweng
i muas hoid wenga essn
wenns essn net oiwei si guad wa
oba leida bine schnei tschwa
a boa wochan mache iatz FDH
des hane scha öfta da
so bremse hoid wida a zeidl
dann bassn ma wieda meine kleidl
eikaufa
heid bine in stod i woid wos kaufe
ja do derfats da schua durchlaufa
i häd ma ganz vei gseng
oba do was geid zweng
in so vei gschefta hobe gschaut do häds mei glei am osch kaut
do bine hoid wida lare hoamganga
iats muaße woanders afanga
obe woanders ebs billiga kriag
oba heid nimma- heid bine scha miad
jatz foid ma wos ei
des kant füa einfacha sei
gmüatle sitza me hi, hoi meine katalog und sucha ma do ebbs aus
do brauche ned amoi mehr ausn haus
warum hobe zerst net draf denkt
do hobe umsunst de ganzn gschäfta ogrent
Kreuzweh
heid bin i frou wene ins bett eine kim
weile an ganzn dog e scha so miad bin
an ganzn dog hobe oiwei zum doa
glaubmas es is wiakle woa
in da fria gehts scha a bise vom bett aussasteig
ja do kschpia es scho mei kreiz
ja jatz bine hoid zum dokta ganga
der hot glei zum ren agfanga
i soid zum massiern geh
sunst duats ma oiwei bessa weh
ja des dot ma ganz guad koifa
jetz brauche nimma so schloifa
seidem kanne wida renna
an des kannste fei gwena
Jahreszeiten
gehts mir schlecht
i woas net wos i mecht
wia kant e des song
i mecht o net klong
es is so stad
ois wenn ois doad wad
de bam sand nockad
de erdn druckad
da greisle newe dazua
im freia is a rua
neamand segt ma draust
das mia direkt graust
koi vegl herd ma singa
übahaupt koi vicha springa
koa bleame bliert
ob des na ebs wird
alle farbn valorn
schaut aus via gstorbn
da kimma nix doa
des passiert oi joar
gott sei dank, im frühja do
fängts lebn wieda a
jeds joar segt ma de pracht
wos de natur schafft
wenns wieda schena wird
is ma nimma so deprimiert
auf zum tanzkurs
jatz greif es a
wiu i donch seng obe net a sdanzn ko
ja wia me i scho afn tanzkurs gfrei
des ka doch net so schwa sei
amoi links, a moi rechts
ganz wias da tanzlehrer mecht
i hama denkt wia einfach des wa
dawei passierts ma sogo, dase fiaß durchananda dra
do stehe oft do und deng ma glei
geh bin i e scha bled
do woase oft nimma wias weida geht
fleise deama weida probirn
bis ma sogo schua valiern
sche langsam griage de schritte raus
oba am anfang, o schreck o graus
ja gleant hamas - es hod hoid a zeit dauert
ja es hod se rentiert und sche is gwen
dase iatz oft zum tanzn ren
s´ vogal
do sitzt a kloans vogal
scha hi dot am bam
es singt ganz fröle und fühlt se recht woi
des vichal hods sche
des kann überroi hi
es hod koa problem
es singt des ganze joar
so fei wias mog
es suacht se sei futta
und fühlt se so guat
es pfeift und zwitschert
von da fria bis spät
es is hoid recht glückle
wos de leid seltn sand
des vichal mocht ses hoid recht
wos de leid net dean
warum so fei grante hand
schiud hams scha seiba
oiwei mehr mechtns hom